Uma Leht uudised

Värsked uudised

Vanemad uudised

vanemad kui 24 tundi

141

Ansamblil Kõhukesed saa valmis võrokeelitside laulõga plaat

umaleheke @ Uma Leht 1 koht · 12.02.2026 00:01

Ligembil päivil saa valmis ansambli Kõhukesed CD-plaat «Keele pääl», kon saa võrokeelitside laulõ ja muusiga vaihõlõ kullõlda Rahmani Jani luulõtuisi ja juttõ. Plaadimatõrjal võeti üles minevä aasta imäkeelepäävä aigu kontsõrdil Ihamaru külämajan. Et ansambli avvostaja omma joba pikembät aigu küsünü helükandjat, midä saanu koton vai auton plaadimassinalõ tsusada, antigi kontsõrtsalvõstus vällä plaadi pääl. Ansambli Kõhukesed mäng kuun joba kümnendät aastakka, näide firmamärk om kõnõlda muusiga vaihõlõ nal’a Vaata lähemalt ›

Jaga (46) Tweet

142

Rahvarõivakoolin saa näpotüünõksõ ja rõivakomplekti

umaleheke @ Uma Leht 2 koht · 12.02.2026 00:01

Vana-Võromaa Käsitüü MTÜ plaan sügüsest valla tetä rahvarõivakooli, kon saa katõ aasta joosul valmis meisterdä üte naisi vai miihi rahvarõivakomplekti, pääkattõst kooni tsuugõni vällä. Opiao seen andas muidoki hulgan tiidmiisi rahvarõividõ kandmisõ kotsilõ ja egäsugutsit näpotüünõksõ. Rahvarõivakooli iistvõtja Oja Vilve ütel’, et huvilidsõ tahetas joba radokuu joosul kirja saia. Sis om aigu oppajidõ-meistridega läbi kõnõlda ja tugõjit otsi. Rühmän piäs olõma 20 inemise ümbre, sis tulõ kooliraha mõistligu su Vaata lähemalt ›

Jaga (35) Tweet

143

Kassipraat

umaleheke @ Uma Leht · 12.02.2026 00:01

Seo lugu om Johannesõst, vai nigu kõik tedä tundva inemise kutsva – Jussist. As’a esi sündü ammutsõl Vinne aol. Nii kongi kuvvõkümnendil. Juss oll’ olnu elupõlinõ tiimiis. Tüülisest kooni meistrini. Nüüd pidi tä pensionipõlvõ. Oll’ matnu naasõ. Uma elämise jätnü pojalõ, kel suur pere. Esi kolinu maalõ, suurõmpahe keskustõ. Kortin oll’ postkontoriga üten majan, õkva üle kalitori. Olõmisõ poolõst oll’ tä suur nal’a- ja muidomiis. Krutskit oll’ tä otsast otsani... Vaata lähemalt ›

Jaga (0) Tweet

144

«Poodi man» om üles säet keeleteo avvohinnalõ

umaleheke @ Uma Leht · 12.02.2026 00:01

Võrokiilne karmanihelü «Poodi man» om üles säet Eesti aasta keeleteo avvohinna kandidaadis. Taa om timahavatsidõ kandidaatõ siän ainukõnõ Eesti piirkunnakiiliga köüdet keeleettevõtminõ. Keeleteo pääavvohinna saaja otsustasõ siiämaalõ ammõdin olnu Eesti haridus- ja tiidüsministi. Rahvaavvohind andas toolõ kandidaadilõ, kink puult rahvas kõgõ inämb helle and. Helü andmisõs om aigu kooni 17. radokuu pääväni. Hellü saa anda internetin aadrõsi hm.ee/aasta-keeletegu-2025 pääl. UL Karmanihelü «Poodi man» logo om Vaata lähemalt ›

Jaga (0) Tweet

145

Pääle nakkasõ õdagu, miä avitasõ võro keele pääl püssü

umaleheke @ Uma Leht 2 koht · 29.01.2026 05:30

Neläpäävä, 5. radokuul kell 18 tulõ Võro instituudi saalin (Tarto uulits 48, Võro liin) võro keele õdak, kohe oodõtas kõiki, kiä tahtva har’ota võro keelen kõnõlõmist ja uma keele pääl püsümist. Õdagulõ oodõtas egän iän inemiisi. Nii noid, kiä mõistva võro kiilt, ku noid, kiä ei mõista. Kuun plaanitas istu kooni kats tunni, aia mõnusahe juttu, serbädä lämmind juuki, mängi mõnt mängo ja kaia, midä viil saa tetä. Päämine, et... Vaata lähemalt ›

Jaga (19) Tweet

146

Järveijä tõmbas kalamiihi

umaleheke @ Uma Leht 1 koht · 29.01.2026 05:30

Niipia ku külm viikogolõ kaasõ pääle pand ja ijä pääle lubatas minnä, omma platsin talvidsõ kalapüüdjä. Miä tõmbas kalamiihi talvõl ijä pääle külmetämä? Proovi perrä uuri. Võromaa mehe Priit ja Marko omma otsustanu puulpäävä Peipsi pääle minnä. Marko om kalafoorumist lugõnu, et Peipsi järven Kõdavere all ollõv kalla saadu. Tuuperäst säädvä mehe uma massina joba hummoguhämärän sinnäpoolõ minemä. Võromaalt om sinnä peris pikk sõit, nii 120 kilomiitret. Ilmateedüs om ütelnü,... Vaata lähemalt ›

Jaga (54) Tweet

147

Tossu Tilda pajatus. Suvitaja püüd kausist kalla

umaleheke @ Uma Leht · 29.01.2026 05:30

Leningradi suvitaja olli jäl Kasaritsan suvitaman. Näide väiku poig Miša ütel’ ütspäiv, et taht kalla püüdä, selle et oll’ nännü kostki pildi päält, kuis kalla püüdäs. Vällä lumbi viirde es taheta Mišat laskõ, arvati, et tuu om ohtlik. Nii aruti timä esä ja imä, et tulõ panda nukatarrõ vanaimä aknõ ala suur mõsukauss, kohe kala sisse tuvva. Sis saa Miša rahuligult aknõst kalla püüdä. Nii tettigi: mõsukaussi panti 12 lumbist... Vaata lähemalt ›

Jaga (0) Tweet

148

Kiri Võrolt. Tandsu vägi

umaleheke @ Uma Leht · 29.01.2026 05:30

Olõ jo paarkümmend aastakka olnu köüdetü vaba tandsuga, alosti viie rütmi tandsõst ja parhillatsõs omma mu tandsmisõ kasunu ekstaatiliidsis tandsurändämiisis. Ku sullõ miildüs tandsi, a sa ei taha hinnäst köütä kimmide etteantuisi sammõga, nigu om näütüses pidotandsun, sis vaba tands om tuu jaos kõgõ parõmb võimalus. Ja ku olõt sinnä sisse joba trehvänü, saat arvo, et tands om üts parõmbit teraapijit, uma kihätiidmise ja meele lõdvaslaskmisõ köüdüs. Seo om meditatiivnõ... Vaata lähemalt ›

Jaga (0) Tweet

149

Asust luks-asju tegijä Luksi Sandra

umaleheke @ Uma Leht · 29.01.2026 05:30

ldaaigu tetti Võrol Kandlõn vallalõ kunstiakadeemiä magistrandi ja moodukujondaja LUKSI SANDRA näütüs «Trash to Temptation», kon saa nätä timä hindä tettüid pilte umast luumistüüst. Pildi omma meelütäjä, miä om ummamuudu pruuvminõ, kas nii om võimalik panda inemiisi inämb vahtsõstpruukmisõst kõnõlõma ja ummi pruukmisharinõmiisi muutma. Uma Leht pallõl’ Võrolt peri Sandral umast elost ja luudust lähkümbält kõnõlda. * * * Kuis jõudsõt moodukujondamisõ mano? Mis Sinno seo ala man köüt? Alosti... Vaata lähemalt ›

Jaga (0) Tweet

150

Vaba hing

umaleheke @ Uma Leht · 29.01.2026 05:30

Ku ülepää om maa pääl olnu vaba hing, sis tuu oll’ mu lell. Oll’ 1950. aasta, ku mi külän naati kolhuusi luuma. Lellä perren kasvi kats suurõmbat poiskõist ja üts poolõaastanõ poig. Lelläl oll’ noorõpuulnõ väega illos ja häste söödet valgõ hopõn. Muidoki võeti tuu perre käest är ja viidi kolhoosi talli. Niisama võeti lehm kah kolhoosi nimekirja. Latsõ jäivä ilma piimäldä. Koton oll’ õhvakõnõ kah, a tuu es olõ... Vaata lähemalt ›

Jaga (0) Tweet

151

Suusatsõõr ümbre Karula kihlkunna

umaleheke @ Uma Leht 3 koht · 29.01.2026 05:30

Rännümiis Kama Kaido om matkanu mitmõn maailma paigan ja esiki ümbre maakerä purjetanu. Perämädse kümne aasta joosul tekk’ tä läbi viil üte matka, seokõrd suusõga ümbre uma kodokihlkunna Karula. Seo matk käve jupikaupa, alostus oll’ 2017. aastagal ja timahava vahtsõaastakuu keskpaigan sai tsõõr ümbre kihlkunna täüs. No kirotas Kaido esi umast suusatsõõrist lähkümpä. * * * Kihlkund Kihla sõna om mi keelen perädü vana germaani lain. Ku võrrelda näütüses sõnnuga... Vaata lähemalt ›

Jaga (13) Tweet

152

Poissõ külänkäügi vipõrus

umaleheke @ Uma Leht · 29.01.2026 05:30

Mi külän omma ligitsikku maja. Meil olle külän latsõlats Jannu, naabrimajan Andu. Poisi olli umbõs viieaastadsõ. Ütspäiv tulle naabri Andu meile Jannuga mängmä. Algusõn olli tarõn, perän tahtsõva vällä lumõga mängmä minnä. Möllässivä lumõn tükk aigu, ma iks aknõst kaiõ, et midägi ei juhtusi. Tükü ao peräst es näe ma poissõ inämb koskil. Lätsi vällä, naksi hõikma ja otsma. Koskilt es tulõ helükeist vasta. Hirm tull’ naha vahelõ: kuis ma... Vaata lähemalt ›

Jaga (0) Tweet

153

Ahokütmise kittüses

umaleheke @ Uma Leht · 29.01.2026 05:30

Külmä üü veevä mõttõ kütmise pääle. Ma ei olõ umma elotustõ viil määndsitki lämmäpumpõ sisse säädnü, tuuperäst tulõ iks nika, ku viil jõudu ja tervüst om, pruuvi ahokütmist jakada. Tuu paistus kõgõ loomulikumb viis tarrõ lämmind saia ja avitas ihho ja vaimu kah truksa hoita. Ahokütmise man piät mõistma ette mõtõlda. Ku lupa kõvva külmä, sis om mõistlik inne ahi är küttä, selle et peris suurõ külmäga tõmbas ahi tarõ... Vaata lähemalt ›

Jaga (0) Tweet

154

Parm tsuskas: kemmergupapõr

umaleheke @ Uma Leht · 29.01.2026 05:30

Nal’apildiga tsuskas ütiskunda mõnõst hellembäst kotussõst Rõugõ Rebäse külä miis Varustini Andres, tunnõt ka nimõga Parm. Vaata lähemalt ›

Jaga (0) Tweet

155

Priinime lugu: Rämmä-nime Räpinält

umaleheke @ Uma Leht · 29.01.2026 05:30

Nimme Rämson kand parhilla 101 inemist. Taa panti Räpinä Miiksi mõisa Parapalo külän kujul Rämson. Räpinä keriklik pruuk oll’ Rämmson, a lõpus jäi iks püsümä Rämson. Nime saanut peremiist nimetedi 1816 Hemmelisse Remä Peter, 1795 väümiis Remme Peter. Abielumeetrikast om nätä, et tä oll’ peri Meerapalo Rämmä hõimust. A osa Rämsoni nime kandjit om viil peri üle järve Sol’na küläst, kon näide edevanõmbas oll’ Rämmä Adam Rämmson. Nimme Rämmar kand... Vaata lähemalt ›

Jaga (10) Tweet

156

Muda Mari pajatus. Eesti kirändüse päiv

umaleheke @ Uma Leht · 29.01.2026 05:30

Ma kuuli raadiost, et eesti kirändüse pääväl loetas ütitselt uno Ööbiku juttõ, mille kirot’ Niidu Ellen nelikümend aastat tagasi. Uno Ööbik tekk’ kõkkõ tõistmuudu, ku suurõ mehe tuul aol võisõva tetä. Näütüses sõitsõ toukpöörä vai tõukõrattaga. Ku katsakümnendil aastil oll’ tuu väega nal’akas, sõs viimätsil aastil tulõ liinah egä nuka pääl tõuksiga miihi vasta. Nii noorõmbit ku vanõmbit, pall’odõl om eski ülikund säläh ja lips iih. Mi võinuki noid toukpööräga... Vaata lähemalt ›

Jaga (0) Tweet

157

Karilatsin tulõ sõbralik perrepäiv «Hõissa, vastla!»

umaleheke @ Uma Leht · 29.01.2026 05:30

Mi aastatsõõri kõgõ talvitsõmbal kuul – kündlekuul vai radokuul – tähüstedäs timahava vastlapäivä vai sis tõõsõ nimega livvupühhi kah. Nigu teedä, om vastlapäiv sääne kinä livvulaskmisõ pühä, miä ei trehvä egä aastak sama kuupäävä pääle, a nõud kõgõ tõsõpäivä ja nuurt kuud. Nii trehväs lihahiitepäiv (vastlapäiv) timahava 17. radokuu päävä pääle. Karilatsi vabaõhumuusõum kuts puulpäävä inne vastlapäivä, 14. radokuul nuuri ja vannu, perrit ja seltskundõ sõbralikulõ perrepääväle. Muusõumi lumidsõ nõlva... Vaata lähemalt ›

Jaga (0) Tweet

158

Ilmunu om romaan «Perämäne luidsas»

umaleheke @ Uma Leht · 29.01.2026 05:30

Trüküvalgust om nännü Kübärä Kristi romaan «Perämäne luidsas». Raamat ilmu minevä aasta lõpun eesti keelen kah ja tuu käsikiri sai Eesti kiränige liidu mineväaastadsõl romaanivõistlusõl Jaan Tõnissoni Postimehe fondi avvohinna. Autor kirot’ romaani vaeldumisi eesti ja võro keelen ja otsust’ sis, et lugu piät mõlõmban keelen ilmavalgust nägemä. Ligembält kõnõlõs umast romaanist autor Kübärä Kristi niimuudu: «Seo raamat kõnõlõs egästütest meist. Õt inemises olõmisõ man om pall’o kihte. Kuimuudu mi... Vaata lähemalt ›

Jaga (0) Tweet