Uma Leht uudised

Kae, miä üteľ!

Lisa järjehoidja Ära näita Uma Leht

umaleheke @ Uma Leht · 26.03.2026 00:01

«Täämbädsel pääväl om tõnõkõrd targõmb mõni asi tegemädä jättä, tulõ odavamb, ku umalõ tüüle pääle massa.» Saekaadrimiis Kaha Kaido kõnõldõn tuust, et talvitsidõ korgidõ eelektrihinduga olõ-i mõtõt saekaadrit tüüle pandagi. («Poodi man» saatõn) Vaata lähemalt ›

0

Võrumaa om alal viil!

Lisa järjehoidja Ära näita Uma Leht

umaleheke @ Uma Leht · 26.03.2026 00:01

«Seldsimiis! Mi sõidami hummõn hummugu Võrumaalõ. Kas tahadõ üten tulla?» Olõs mul täämbäne tiidmine ollu, ma olõs toona profesrilõ ülnü: «Ma olõ-i seldsimiis, ma olõ muidu kehväste rõivin.» A kuuskümmend viis aastat tagasi ma tennässi akadeemikut kutsmisõ iist ja lupasi järgmädsel pääväl varra Tähtveren olla. Reisuseldsilidses Aristõ Pauli uhkõ Volgaga arvati minnu tuuperäst, et sõit läts’ edimält Mehkamaalõ, konh eläsivä profesri tutva, edesi oll’ plaanin sõita Vahtsõ-Roosa ja Hopa kaudu... Vaata lähemalt ›

0

Pildikene tii päält

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Om neläpäiv, 19. urbõkuu. Kallendritalvõ perämädse päävä keskpäiv nakkas kätte jõudma. Hummogudsõ udsudsõ ilma asõmõlõ om päiv hinnäst taivalakkõ vidänü ja sirotas ummi kirgi maa poolõ, nii et nä mullõ, autoga liina poolõ sõitjalõ, õkva näkko paistusõ. Nihuta pääväsirmi silmi ette, et kuigi iks tiid nätä. Liina puult sõit vasta hulga traktorit. Mõnõl näist omma iin sildi, miä tulõtasõ söögijulgõolõkit miilde. Lehvütä näile rooli takast, umbõs poolõ lehvütäse vasta kah.... Vaata lähemalt ›

0

80 aastat Hindriku talo lahengust

Lisa järjehoidja Ära näita Uma Leht

umaleheke @ Uma Leht · 26.03.2026 00:01

1. mahlakuu pääväl saa 80 aastakka lahengust Sulbi lähkül Haamastõ külän Hindriku (Määritsa) talon, kon mõtsavele katõsa tunni ründäjile vasta panniva ja hinnäst elosalõ kätte es anna. Tuul pääväl plaanitas mõtsavelli talokotussõ man väiku kombõtäütmisega mälehtä. «Võromaa Kaitsõliit tulõ malõvkunna esindüsega, tetäs mälehtüstseremoonia ja lastas avvupaukõ, paiga pääle tulõva nuurkotka ja kodotütre,» kõnõlõs päävä Kaitsõliidu-puulnõ kõrraldaja Saamo Toomas. Talo täämbäne umanik om usaldanu talosüäme ja mäle Vaata lähemalt ›

0

Keväjädses käänüpääväs sai kirja tuhat suidsusanna

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Suidsusannu üle-eestilidsel kokkolugõmisõl om edimädse aastaga joosul kirja saanu tuhat sanna. Kõgõ rohkõmb om sannu Vanal Võromaal, a ka muial Lõunõ-Eestin. Veebikaardi pääl omma nätä neo 550 suidsusanna, mille umanigu omma lubanu sanna asukotust kaardi pääl vällä näüdädä. Tuhandõst kirja saanust sannast om 750 puhul kirotõt pikembält perre sannakombidõ kotsilõ kah. Näütes om jakkuvalt kombõs suidsusannan vihtlõminõ: kats kolmandikku sannaliidsist vihtlõs alasi, kolmas jago mõnikõrd ja õnnõ 2% vihtlõ-i suk Vaata lähemalt ›

0

Muda Mari pajatus. Midä ma es kuulõ

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Ma kuuli raadiost, et kevväi nakas’ pääle kolm nädälit inne, ku kallendrikevväi peräle jõudsõ. A ma es kuulõ raadiost, et nüüd om ilm lämmi, päiv paistus, tuul puhk ja elektrihind om õnnõ paar senti. Kiäki ei kitä, et külh om häste. Et viimäte sai tuu pikk ja külm talv läbi. Vast piässi kitmä ja mõtlõma, kuismuudu otav elektri mi juhtmidõ sisse saa. Äkki ei piässi kõgõ vasta võitlõma, näütüses generaatoridõ... Vaata lähemalt ›

0

Tii hoit inemist hinele mõrsjas

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Elämine om tiil olõminõ edimädsest hengähüsest viimätseni. Tii hoit inemist hinele mõrsjas, om Enno Ernst «Rändäjä õdagulaulun» luulõtanu. Latsõn käüt tiid piten imä-esä käe kõrval, nimä andva tsihi ja võtva üten, oppasõ astma, jalgpööräga sõitma ni ümbrekunda tähele pandma. Sõs tulõ pikk koolitii, kannat jo esi kaala: opit ja otsit, essüt ja levvät, olõt tävvega hindätiidjä tiiline. Koolitiid kävven tunnus tii tihtsäle hall, ikäv ja väsütäjä, oodat kipõstõ lõppu. Arvat,... Vaata lähemalt ›

0

Tossu Tilda pajatus. Rahvavainlasõ lumbivett kihvtitämän

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Seo lugu juhtu Kasaritsan tsipa päält tuud, ku 1949. aastagal luudi sinnä Mägismaa kolhoos. Keväjä tetti kardokapandmisõ talgu. Rahvast oll’ kokko aetu nii hulga, et kõigilõ tüüd es jakkugi. Nii otsustiva kolm noorõmbat miist, et vaia nall’a kah tetä. Nä kattõva paaris tunnis är ja ku tagasi tulli, olli näide jala nõrga ja keele pehme. Mehe kõnõli, et nä jõiva võsu takast lumbist vett ja paistus, et sinnä vii sisse... Vaata lähemalt ›

0

Uma om õks uma

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Midä vanõmbas saa, toda ullimbas lää: naka keväjet uutma joba pääle jõulõ. Naka uutma edimäst paiuurvakõist, edimäst pääväpaid, edimäst hainakibõnõkõist, edimäst lillihäitsmekeist, lõokõsõ lõõri taiva all… Kõgõ rohkõmb ooda õks aigu, ku saa näpu mulda tsusata. Kõik talvitsõ hädä ja valu vaosõ nigu imeväel kohegi kavvõmbalõ. Viimätsil aastil om keväje tulõk venünü ku villanõ lang, talv taha-i kuigi umma võimu käest är anda. Ja ku sõs lõpus saa näpu mulda... Vaata lähemalt ›

0

Tsiberist tagasitulõgi kohvri

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Võromaa muusõummi joudsõ ildaaigu aoluuga kohvri. 1955. aastagal Tsiberihe Mordva laagrihe karistust kandma saadõtul mõtsavellel, Tännässilmä mehel Vigla Jaanil lubati 1976. aastagal Eestihte tagasi tulla ja tä saatsõ uma kraami inne tulõkit kohvrin pandõrolliga kodomaalõ. Timä perijä tõiva no pikä tii maaha rännänü ja aoluust kõnõlõja kohvri üten ümbrüskotiga, mille pääl aadrõs, muusõumi kokko. Kabuna Kaile jutt ja pilt Vaata lähemalt ›

0

Urvastõn peeti Contra sünnüpäävä kirändüsõdagut

Lisa järjehoidja Ära näita Uma Leht

umaleheke @ Uma Leht · 26.03.2026 00:01

Pühäpäävä, 22. urbõkuul oll’ Urvastõ seldsimajan Contra sünnüpäävä kirändüsõdak. Pääesinejä oll’ seokõrd kirändüsprofesri ja kiränik Merilai Arne, kink suvõkodo om Urvastõ lähkül ja kink loomingut seo kandi rahvas kõvastõ mõotanu om. Õdagu edimädsen poolõn aigi Contra juttu Merilaiga, päämidselt timä romaanist «Puuinimesed», miä sai aasta iist kultuurkapitali kirändüse tsihtkapitali proosakirändüse aastapreemiä. Romaan poim ütte tiidüst, kunsti, eloluku ja vällämõtõldut. Merilai Arne lugi raamatust ette jup Vaata lähemalt ›

0

Massin piät kõrran olõma ja joonul inemisel olõ-i ruuli asja

Lisa järjehoidja Ära näita Uma Leht

umaleheke @ Uma Leht 1 koht · 12.03.2026 00:01

Kevväi nakkas kätte jõudma ja tuu tähendäs, et om mõistlik uma sõidumassina üle kaia, kummi vaihta ja ku vaia, tsipakõsõ remonti laskõ, et olnu veidemb ohtu nii hindäle ku tõisilõ. Vahtsõ massina ostminõ om nigu noorõ naasõ võtminõ. Edimält om illus sille, läükvä ja mugu lüü tassa nurru. A midä aig edesi, toda inämb tulõva kordsu, logisõs ja ei taha inämb käümä minnä. Ma sõida esi kah vana massinaga. Koskilt... Vaata lähemalt ›

0

Klaaspiltest näütüs meelütäs päivä vällä

Lisa järjehoidja Ära näita Uma Leht

umaleheke @ Uma Leht 2 koht · 12.03.2026 00:01

Vana-Võromaa käsitüüesindüsen uut kaejit vahtsõnõ näütüs, Raudvasara Tamara tettü klaaspildi ja vitraasitüü. Aastidõga om meistril valmis saanu hulga esimuudu klaasikuntsi, miä om lätteainõt saanu luudusõst – taivalaotusõn lindävist tsirgõst kooni meresüvvüsen elävide kalloni. Keväjädsen päävävalgusõn läükelese klaasikildakõisist kokko säedü ilostusõ, livvakõsõ, kündlelatõrna ja piigli – egäüts esimuudu. Egäst klaasipildist helkäs vasta lämmind ja rõõmu, miä tulõ pildi luuja süämest. Seod silmäillo näge koo Vaata lähemalt ›

0

Nukahsaisja

Lisa järjehoidja Ära näita Uma Leht

umaleheke @ Uma Leht 3 koht · 12.03.2026 00:01

Seo lugu tulõtas miilde 1970. aastit, ku ma koolipinki nühkse. Inämbüisi kiret’ vahetunni aigu kalitori sainaviir latsist, muidogi suuga õks saina poolõ. Nä olli saanu mõnõ viguriga ütele poolõ, vai sõs mõnõ tõõsõ patuga üles astnu. Mu sõsaraga käve üteh klassih Helju, kiä oll’ uma dressipüksi kodo unõhtanu ja tuuperäst es saa tä võimlõmisõ tunni minnä. Jälki panti vahetunni aigu nukka saisma. Tuukõrra oll’ meil säksa keele oppaja Grumenš, kiä... Vaata lähemalt ›

0

Võro keele kohviõdak Tarton 

Lisa järjehoidja Ära näita Uma Leht

umaleheke @ Uma Leht · 12.03.2026 00:01

Nigu kevväi näüdäs’ ummi edimäidsi tulõmisõ märke, tull’ 5. urbõkuu õdagu päält pikkä talvõvaheaigu tagasi Tarto Ülikooli keeletiidüisi instituudin peetäv võro keelekohvikidõ sari. Sääne, 2023. aastaga märdikuust peetäv keelehuviliidsi kokkosaaminõ sündü joba 12. kõrda. Seokõrd tull’ paiga pääle 11 inemist ja kõnõldi arotuisist, miä käävä võro keele keelesäädüste pandmisõ ümbre. Ku varrampa oll’ keelekohvik tsihit päämidselt nuurilõ inemiisile, sis no omma ossa võtma oodõdu kõik huvilidsõ. Plaan om, et kokk Vaata lähemalt ›

0

Uutminõ

Lisa järjehoidja Ära näita Uma Leht

umaleheke @ Uma Leht · 12.03.2026 00:01

Kõik mu kolm poiga mõtliva vällä plaani minnä vahtsõtaastat vasta võtma mõtsa. Nojah, ega nä es kullõva mu keelitüst mitte minnä, mis tuust, et väläh oll’ 20 kraati külmä. Nii nä sõs lätsivä, võtsõva üteh veidükese söögikraami ja lämmä rõiva. Jõudsõ kätte vahtsõ aasta hummok ja pia jo lõuna kah. Ma ooda ja ooda, nõna vasta aknõklaasi. Kiäki ei helistä, ei kippu ega kõppu. Om jo vana tõtõ, et uutjalõ... Vaata lähemalt ›

0

Lühkene jutt

Lisa järjehoidja Ära näita Uma Leht

umaleheke @ Uma Leht · 12.03.2026 00:01

Sõidi üts pühapäiv liina kerkohe. Veidükese tutva bussijuht küsse, et mille pühäpäävä sinnä liina mindäs, kas kohki andas midägi hääd vai. Ütli, et ku õigõdõ kotussõdõ läät, sis andas väega hääd ja hüvvä. «Koh tuu sääne kotus om?» küsse timä. Ütli, et kerkon. Tä pidi mulal veitse vaiht ja küsse sis, kas ma piä hinnäst väega patutsõs. «No iks,» ütli ma. «Vaihõl om sääne tunnõ, et tahassi patust valla saamisõs... Vaata lähemalt ›

0

Plaat «Kolme Teppo lood» 

Lisa järjehoidja Ära näita Uma Leht

umaleheke @ Uma Leht · 12.03.2026 00:01

Valmis om saanu plaat Teppo Augusti, timä poja Augusti ja pojapoja Heino lõõdsalukõga. Plaadi pääl om kokko 35 luku, minkast 17 om mängnü pillimeistri Teppo August esi. Matõrjali om üles võtnu Eesti Raadio aastil 1956 ja 1970. Vahtsõ plaadi tege esierälidses tuu, et vana salvõstusõ om helümeistri Kikka Tiit täämbädse ao tehnikaga är puhastanu. «Nüüd om nii, et vana Augusti, timä poja ja pojapoja mäng kõlas nii, nigu nä olõs... Vaata lähemalt ›

0

Mooste Elohelü kuts muusikit ossavõtmisõst teedä andma

Lisa järjehoidja Ära näita Uma Leht

umaleheke @ Uma Leht · 12.03.2026 00:01

Eesti rahvamuusigatüütlüisi festival Mooste Elohelü kuts muusikit folgipidolt ossavõtmisõst teedä andma. Timahava peetäs Mooste Elohelü 14.–15. põimukuul. Nigu õks, tulõ osaliidsil ette kanda üts etteant lugu. Timahavanõ võistluslaul om vahtsõmbat laadi rahvalaulu viis, minkal om siski regilaululõ umanõ kõrd ja sinnä mano passitõdu regilaulu sõna. Timahava saava võistlõja valli katõ esi sõnnovariandsi vaihõl, edimäne kand päälkirja «Susi opas’ umma poiga» ja tõõnõ om krutskilidsõ sõnomiga «Peetrus ja Pilatu Vaata lähemalt ›

0

Käsu Hansu ikulaulu täüs Tarto Jaani kerik

Lisa järjehoidja Ära näita Uma Leht

umaleheke @ Uma Leht · 12.03.2026 00:01

Oh, ma vaene Tarto liin!Mes sündi nüüd siin minoga,perätu ma ole siin,kes võib mo pääle kaeda?Mo patt mulle tegi seda,et mul johtu nii suur häda,seda peä nüüd tundma siin.Oh, ma vaene Tarto liin! Õunapuu Lauri ja Sommeri Lauri omma uma laulu vallalõ löönü. Om riidi, 6. urbõkuu päiv 2026 ja Tarto Jaani kerik om täüs egäsugumaidsi lõunõeesti keele, kirändüse ja aoluu huviliidsi, akadeemikit ni muid maausuliidsi. Näütüsele omma vällä pantu... Vaata lähemalt ›

0